Te Tūāpapa o Te Whāriki
Rukuhia te mātauranga ki tōna hōhonutanga me tōna whānuitanga
Ko ngā kaupapa whakahaere me ngā taumata whakahirahira te tūāpapa o Te Whāriki. Ko ngā whāinga me ngā mātāpono e rua i whakatauhia hei huarahi whakatō i ngā āhuatanga o Te Whāriki ki roto i ngā mahi me ngā kawenga o Te Kōhanga Reo kia mārō ai te tūāpapa.
- Te Tūāpapa o Te Whāriki: Ngā Rauemi
- Ngā Taumata Whakahirahira
- Te Katoa o te Mokopuna
- Ngā Kaupapa Whakahaere
- Te Tauira Whāriki
Ngā Kaupapa Whakahaere
WHAKAMANA
Mā Te Whāriki a te Kōhanga Reo e whakatō te kaha ki roto i te mokopuna ki te ako, kia pakari ai tana tipu.
NGĀ HONONGA
Mā roto i ngā piringa, i ngā whakahaere i waenganui o te mokopuna me te katoa e whakatō te kaha ki roto i te mokopuna ki te ako.
KOTAHITANGA
Mā Te Whāriki a te Kōhanga Reo e whakaata te kotahitanga o ngā whakahaere katoa mō te ako a te mokopuna, mō te tipu o te mokopuna.
WHĀNAU TANGATA
Me whiri mai te whānau, te hapū, te iwi, me tauiwi, me ō rātou wāhi nohonga ki roto i Te Whāriki, hei āwhina, hei tautoko i te akoranga, i te whakatipuranga o te mokopuna.
Ngā Taumata Whakahirahira
He Whakamārama
Kei te whanakehia tonuhia tēnei pae tukutuku. Ā kō kō ake nei puta mai ai ētahi atu kōrero mō Te Whāriki ā-ipurangi.
Mehemea he kōrero whai hua, he pātai rānei āu mō tēnei pae tukutuku, tēnā whakapā mai ki a mātou i [email protected]
