Tirohanga/Tātaritanga

E ono ngā huarahi e ako ai te tangata

Kia tino puāwai ai te hinengaro mokopuna, me rapa te huarahi e eke nei ki tōna pūmanawa. Ko ētahi tamariki ka pakari ki te ako ā-whatu. Ka noho tika ia ki tōna tūru me te whai haere i te kaikōrero mā ōna whatu. Ko ētahi ka pakari kē atu mā te whakarongo. Ka tāruaruatia e rātou ngā kupu a te kaiako ki a rātou ake, ā, ka tūngoungou mai. I ētahi wā ka titiro kau atu ki waho. Ko ētahi, ka pakari kē atu mehemea ka oreore haere. Ka kite ā-hinengaro rātou i ngā kōrero a te kaiako. I te nuinga o te wā kua kōwhanawhana i te pene, i te pepa, i te paoro. Heoi kei te ako ia.

Mā te kite

Mā te kite

Mā te rongo-ā-taringa

Mā te rongo ā-taringa

Mā te rongo-ā-waha

Mā te rongo ā-waha

Mā te rongo-ā-kiri, mā te pā-ā-kiri

Mā te rongo ā-kiri, mā te pā ā-kiri

Mā te rongo-ā-ihu

Mā te rongo ā-ihu

Ki tā Magnesen ka mau i ō tātou hinengaro te iwa tekau paihēneti (90%) o ngā mea e kōrerotia ana, ā, e mahi tahitia ana e tātou.

Ā, e eke ai ki tā ngā tīpuna, ka ako, ka mahi, ka mahi, ka ako.

He mea tango mai i te Pinepine te Kura. Te Tāhuhu o te Mātauranga 2000.

"Mā ōna whatu ka kite

Mā ōna taringa ka are ake

Mā tōna waha ka hua

Mā tōna kiri ka rongo

Mā tōna ihu ka hohou

Mā ōna ringa ka pā"

NĀ TEI RĀUA KO HINEMATIORO NOHOTIMA