Skip to content

Mahere ā-Wiki

E pakari ai te mokopuna me tika te whāngai, te poipoi, te ārahi hoki i a ia mai i tōna tipuranga ake. Ko te tipuranga ā-tinana, he whakatumatuma, he whakanikoniko, he whakaohooho ake hoki i te hinengaro. Ka puāwai mai te mokopuna kamakama, te mokopuna hihiri, te mokopuna e torotoro ai tōna katoa ki tāna e hiahia ai.

Te tipuranga-ā-tinana e pakari ai te hinengaro7  

Te wāhanga hou kei te tangata anake Āwhinatia, tautokohia te mokopuna ki te whakatūtū taonga tākaro, te mahi i ngā papa honohono, te tākaro kupu, te mahi i ngā momo tākaro katoa pēnei i pūrei hītoki me te mīharo ki te puoro.  Ka ngāwari te mahi pāngarau, te whakaaro raupapa, te pānui pukapuka, te whakatakoto tika i ngā pū o ngā kupu, te maumahara, te mahi puoro, te kōrero, te tuhi.  
Te wāhanga whatumanawa Āwhinatia, tautokohia te mokopuna mā te mirimiri, te awhiawhi, te mahi tahi me te tākaro tahi.  Ka ū te kiritau, te hononga, te mauri tau, te tū pakari me te ngāwari o te mokopuna.  
Te wāhanga tauriterite Āwhinatia, tautokohia te mokopuna ki te takahuri, te kanikani, te hurihuri, te huripoki, te waiata- ā-ringa, te poi mā ngā ringa e rua, te tārere   Ka taea te tū hāngai, te haere mā runga pahikara, te tuhi me te pānui pukapuka.  
Te tuatahitanga o te roro Āwhinatia, tautokohia te mokopuna ki te hopuhopu, te pupuri, te ngōki, te kumekume, te panapana, te torotoro me te hurihuri.  Ka tipu te hono o ōna whatu ki ōna ringa. Hei tōna wā, ka āwhinatia ki te tuhituhi.  

 7Tirohia Dryden & Vos, Whārangi 238.

He mea tango mai i te Pinepine te Kura. Te Tāhuhu o te Mātauranga 2000.