Ko Rangi me te Kura Kaupapa Māori

Ko te Whakawhititanga ki te Kura Kaupapa Māori

Ka huri te pakeke o Rangi ki te rima tau ka haere te whānau o te kōhanga me ngā mokopuna i tōna taha ki te kura kaupapa Māori. I whakahaeretia mai he pōwhiri, he wheako aronganui tēnei mōku. E whakawhirinaki ana tōna kōhanga reo, ko ahau nei tētahi o ōna wāhanga, i tā rātau taonga ki te kura ki te hua ehara anake i te whakapakari ake i tōna reo Māori engari hoki ko te whakapiki haere o te whanaketanga o tōna tinana, tōna hinengaro, tōna wairua me tōna whatumanawa. I tū te kōhanga reo i o māua taha ko Ben, ā, ka mutu te whaikōrero nā rātau i waiata tā māua wai. I mauria atu a Rangi ki te kura kaupapa Māori, ā, i te wā o te harirū, ka hoaturia a ia ki roto i tō rātau manaakitanga. Tino whakahīhī ahau ki te kite atu i a ia i roto i te kura me taku whakakaha anō i ahau kia taea e ahau a ia te waiho i roto i tēnei takiwā noho. Engari kore rawa atu a Rangi i whakaata mai i te āwangawanga a ia. E toko te manawa ana a ia, ā, e koa ana a ia kei te kura a ia. Koia nei tāna i tatari ai. Kei te taha a ia i ōna hoa pakeke ake me ōna tuākana pakeke nō te kōhanga. He ngāwari ake mōna te whakawhititanga mai i te kōhanga i tērā mōku.

Nā te kōhanga me te kura a Rangi i whakareri mō tēnei rā. I taea e ia te haere ki te kura mō ētahi wā poto nei i te awatea, ā, ka uru atu ki roto i ngā ngangahau, i mua i tōna hurihanga ki te rima tau. Ahakoa kua mahue kē i a ia te kōhanga ka āhei tonu a ia ki te hoki atu ki reira i te mutunga o te kura ki te taha o ana “pēpi”, teina rānei. I a ia te mea tino pai rawa atu o aua takiwā noho e rua. Ko te mea anake i amuamu a ia, ko te kore he kai i taongia i te kura, arā kāre he tina wera, ā kāore hoki he kapu tī i te ahiahi. He paetahi kōhanga reo a Rangi ināianei, ā, he pōtiki nō te kura.

He rangi anō e mauria ana e ahau a ia ki te kura, ā, ka tirohia atu a ia e ahau i mamao. He maha ngā ata i mihia a ia e ngā tamariki pakeke, ā, ka whakaurutia atu ki roto i te paenga o ā rātau tākaro engari kāore a ia i te tākaro, e tū ana, e titiro ana, engari ko te ariā kei roto a ia i aua tākaro. I ētahi wā ka haere a ia ki te tapa o te wāhi tākaro, te wāhi wātea e hono ana i tōna kōhanga ki tōna kura. Ka mātakitaki ahau i a ia e tū ana ko ia anake, e titiro haere ana ki ngā tamariki e tākaro ana i te kura, kātahi ka huri ka tiro mākutu ki tōna kōhanga. Kaōre ahau e mōhio mehemea e mokemoke ana mō tōna kōhanga me ana pēpi, kāore e tino mōhio ana mō tōna kura e whakarite ana rānei mehemea kua tau tōna teina ki roto i te kōhanga. Ko taku whakaaro i huinga katoatia ēnei āhua e toru ki ngā taumata whakarerekē. I tino whakawaitia ahau kia whakawhiti i taua papa tākaro.

I tētahi ata ka taea e ahau te noho mō te karakia. Kia huihui tahi te kura katoa, ā, i ētahi o aua rā, ka hono mai te kōhanga ki a rātau. He tikanga tonu te noho a ngā mātua mō te karakia. He mea angitu ki te mahi tahi i te tīmatatanga o te rā.

He mea tango mai i Te Puawaitanga o te Reo Māori. Te Rūnanaga o Aotearoa mō te Rangahau i te Mātauranga 1997.