Kei ngā waiata me ngā kōrero o neherā te whakapono o ngā tīpuna ki te tino tapu o te mahi ako ā-tinana, ā-hinengaro, ā-wairua, ā-whatumanawa. Hei mua tonu kua tohia te mokopuna ki tōna karangatanga, ā, i ētahi wā i mua tonu i tōna whānautanga mai ki tēnei ao. I te nuinga o te wā, mā tōna whakapapa e whiriwhiri te huarahi mahi mōna. I te mutunga kei te āhua tonu o te mokopuna, me ngā whakatau a ngā tohunga. I a ia e tipu ana ka ākona ia ki ngā mea katoa e pā ana ki te ara kua whakatauirahia mōna. Ka ako, ka mahi. Ka mahi, ka ako. Arā ōna kaiako. Arā ōna hoa ako. Ka tautokohia, ka āwhinatia, ka whakangunguhia. He tapu hoki te mahi ako. Ko ētahi ki te kauae runga, ko ētahi ki te kauae raro. Ko rātou katoa hei oranga mō te whānau me te iwi.

He mea tango mai i te Pinepine te Kura (kōpae ataata). Te Tāhuhu o te Mātauranga 2000.